خُدا کی رحمت سے مایوسی حرام۔

وَاِذَا جَآءَكَ الَّذِيۡنَ يُؤۡمِنُوۡنَ بِاٰيٰتِنَا فَقُلۡ سَلٰمٌ عَلَيۡكُمۡ‌ كَتَبَ رَبُّكُمۡ عَلٰى نَفۡسِهِ الرَّحۡمَةَ‌ ۙ ﴿۵۴﴾

Q-06:54

اور جب وہ لوگ جو ہماری آیات پر ایمان رکھتے ہیں آپ کے پاس آئیں تو کہو: تم پر سلامتی ہو۔ تیرے رب نے رحمت کو اپنے اوپر فرض کر لیا ہے۔

وَلَا تَايۡــَٔسُوۡا مِنۡ رَّوۡحِ اللّٰهِ‌ؕ اِنَّهٗ لَا يَايۡــَٔسُ مِنۡ رَّوۡحِ اللّٰهِ اِلَّا الۡقَوۡمُ الۡكٰفِرُوۡنَ‏ ﴿۸۷﴾

Q-12:87

اور اللہ کی رحمت و مدد سے ہرگز ناامید نہ ہو۔ یقیناً اللہ کی رحمت سے وہی لوگ ناامید ہوتے ہیں جو کافر ہیں۔

قَالُوۡا بَشَّرۡنٰكَ بِالۡحَـقِّ فَلَا تَكُنۡ مِّنَ الۡقٰنِطِيۡنَ‏ ﴿۵۵﴾ قَالَ وَمَنۡ يَّقۡنَطُ مِنۡ رَّحۡمَةِ رَبِّهٖۤ اِلَّا الضَّآلُّوۡنَ‏ ﴿۵۶﴾

Q-15:55-56

فرشتوں نے کہا: ہم نے آپ کو سچی خوشخبری سنائی ہے، پس آپ مایوس ہونے والوں میں سے نہ ہوں (۵۵)۔ ابراہیمؑ نے کہا: اپنے رب کی رحمت سے گمراہوں کے سِوا کون مایوس ہو سکتا ہے (۵۶)

وَمَاۤ اَكۡثَرُ النَّاسِ وَلَوۡ حَرَصۡتَ بِمُؤۡمِنِيۡنَ‏ ﴿۱۰۳﴾

Q-12:103

اور اکثر لوگ ایمان نہیں لائیں گے، خواہ آپ کتنی ہی شدت سے اس کی خواہش کیوں نہ کریں۔

وَكَاَيِّنۡ مِّنۡ اٰيَةٍ فِى السَّمٰوٰتِ وَالۡاَرۡضِ يَمُرُّوۡنَ عَلَيۡهَا وَهُمۡ عَنۡهَا مُعۡرِضُوۡنَ‏ ﴿۱۰۵﴾ وَمَا يُؤۡمِنُ اَكۡثَرُهُمۡ بِاللّٰهِ اِلَّا وَهُمۡ مُّشۡرِكُوۡنَ‏ ﴿۱۰۶﴾

Q-12:105-106

اور آسمانوں اور زمین میں کتنی ہی ایسی نشانیاں ہیں جن پر وہ گزرتے ہیں، مگر وہ ان سے منہ پھیر لیتے ہیں۔ (105) اور ان میں سے اکثر اللہ پر ایمان نہیں رکھتے مگر اس طرح! کہ وہ مشرک ہوتے ہیں۔

فَلَاۤ اُقۡسِمُ بِمَا تُبۡصِرُوۡنَۙ‏ ﴿۳۸﴾ وَمَا لَا تُبۡصِرُوۡنَۙ‏ ﴿۳۹﴾ اِنَّهٗ لَقَوۡلُ رَسُوۡلٍ كَرِيۡمٍۚ ۙ‏ ﴿۴۰﴾ وَّمَا هُوَ بِقَوۡلِ شَاعِرٍ‌ؕ قَلِيۡلًا مَّا تُؤۡمِنُوۡنَۙ‏ ﴿۴۱﴾ وَلَا بِقَوۡلِ كَاهِنٍ‌ؕ قَلِيۡلًا مَّا تَذَكَّرُوۡنَؕ‏ ﴿۴۲﴾

Q-69:38-42

تو میں قسم کھاتا ہوں اس چیز کی جسے تم دیکھتے ہو، (38) اور اس چیز کی جسے تم نہیں دیکھتے، (39) کہ یہ یقیناً یہ (قران) ایک معزز فرشتے (جبرائیلؑ) کا کلام ہے؛ (40) اور یہ کسی شاعر کا کلام نہیں (مگر پھر بھی) تم بہت کم ایمان لاتے ہو؛ (41) اور نہ ہی کسی کاہن کا کلام ہے (مگر پھر بھی) تم بہت کم نصیحت حاصل کرتے ہو (42)

قُلْ لِّـلَّذِيۡنَ كَفَرُوۡۤا اِنۡ يَّنۡتَهُوۡا يُغۡفَرۡ لَهُمۡ مَّا قَدۡ سَلَفَۚ ﴿۳۸﴾

Q-08:38

ان لوگوں سے کہہ دیجیے جنہوں نے کفر کیا: اگر وہ باز آ جائیں تو جو کچھ گزر چکا ہے، اسے معاف کر دیا جائے گا۔

وَلَوۡ اَنَّ اَهۡلَ الۡقُرٰٓى اٰمَنُوۡا وَاتَّقَوۡا لَـفَتَحۡنَا عَلَيۡهِمۡ بَرَكٰتٍ مِّنَ السَّمَآءِ وَالۡاَرۡضِ‏ ﴿۹۶﴾

Q-07:96

اور اگر (ان) بستیوں کے لوگ ایمان لے آتے، اور تقویٰ اختیار کرتے تو ہم ان پر آسمان اور زمین کی برکتیں کھول دیتے.

قُلۡ يٰعِبَادِىَ الَّذِيۡنَ اَسۡرَفُوۡا عَلٰٓى اَنۡفُسِهِمۡ لَا تَقۡنَطُوۡا مِنۡ رَّحۡمَةِ اللّٰهِ‌ ؕ اِنَّ اللّٰهَ يَغۡفِرُ الذُّنُوۡبَ جَمِيۡعًا‌ ؕ اِنَّهٗ هُوَ الۡغَفُوۡرُ الرَّحِيۡمُ‏ ﴿۵۳﴾

Q-39:53

کہہ دو: اے میرے بندو جنہوں نے اپنی جانوں پر زیادتی کی ہے! ﷲ کی رحمت سے مایوس نہ ہو، بے شک ﷲ تمام گناہوں کو بخش دیتا ہے، یقیناً وہی بخشنے والا، مہربان ہے۔

وَمَنۡ يَّعۡمَلۡ سُوۡٓءًا اَوۡ يَظۡلِمۡ نَفۡسَهٗ ثُمَّ يَسۡتَغۡفِرِ اللّٰهَ يَجِدِ اللّٰهَ غَفُوۡرًا رَّحِيۡمًا‏ ﴿۱۱۰﴾

Q-04:110

جو شخص کوئی بدی کا عمل کرے یا اپنے نفس پر زیادتی کرے، پھر ﷲ تعالیٰ سے استغفار کرے، تو وہ ﷲ کو غفور وَرحیم پائے گا۔

**********